ಯೋಜನೆಯ ವಿಧಾನ

ನಮ್ಮ ರಾಜ್ಯ-ರಕ್ಷಿತ ಸ್ಮಾರಕಗಳ ಹೆಚ್ಚಿನ ಪ್ರಯೋಜನವನ್ನು ಪಡೆಯುವ ನಿಟ್ಟಿನಲ್ಲಿ, ಕರ್ನಾಟಕ ಸರ್ಕಾರದ ಪುರಾತತ್ವ, ವಸ್ತು ಸಂಗ್ರಹಾಲಯಗಳು ಮತ್ತು ಪರಂಪರೆ ಇಲಾಖೆ (DAMH) ರವರು ಸದರಿ ಸ್ಮಾರಕಗಳ ಸಂರಕ್ಷಣೆ ಮತ್ತು ರಕ್ಷಣೆಗೆ ಸಂಬಂಧಿಸಿದಂತೆ ಕೈಗೊಂಡಿರುವ ಕೆಲಸಗಳನ್ನು ನಾವು ಮುಂದುವರಿಸಬೇಕು ಮತ್ತು ಉತ್ತಮಗೊಳಿಸಬೇಕಾಗಿರುತ್ತದೆ. ನಾವು ಮೂಲಭೂತ ಸೌಕರ್ಯಗಳನ್ನು ಒದಗಿಸುವುದು, ಸುರಕ್ಷತೆಯನ್ನು ಖಾತರಿಗೊಳಿಸುವುದು ಹಾಗೂ ಬೆಳಕಿನ ಮತ್ತು ರಾತ್ರಿ ಪ್ರವಾಸಗಳಂತಹ ಹೊಸ ಅನುಭವಗಳನ್ನು ಸೃಜಿಸಬೇಕಾಗಿರುತ್ತದೆ.

ಈ ಸುಧಾರಣೆಗಳು DAMH, ಪ್ರವಾಸೋದ್ಯಮ ಇಲಾಖೆ ಮತ್ತು ಅರಣ್ಯ ಇಲಾಖೆಯ ಮಾರ್ಗಸೂಚಿಗಳನ್ನು ಅನುಸರಿಸಬೇಕು. ಇವುಗಳನ್ನು ನೆರವೇರಿಸಲು, ಸದರಿ ಯೋಜನೆಯು, ಸೌಲಭ್ಯಗಳ ಅಭಿವೃದ್ಧಿ, ನಿರ್ಮಾಣ ಮತ್ತು ಸೌಲಭ್ಯಗಳ ಉನ್ನತೀಕರಣ, ಹಾಗೆಯೇ ಅವುಗಳ ಸಂಪೂರ್ಣ ಕಾರ್ಯಾಚರಣೆ ಮತ್ತು ನಿರ್ವಹಣೆಯನ್ನು ನಮ್ಮ ಸ್ಮಾರಕ ಉಪಕ್ರಮದ ಮೂಲಕ ಆಯ್ಕೆಯಾದ ಅರ್ಜಿದಾರರಿಗೆ ವರ್ಗಾಯಿಸಲು ಯೋಜಿಸಿದೆ. ಆರಂಭದಲ್ಲಿ ಇದು ಐದು ವರ್ಷಗಳವರೆಗೆ ಇರುತ್ತದೆ ಮತ್ತು ಪ್ರವಾಸಿಗರು ಸೇರಿದಂತೆ ಎಲ್ಲಾ ಪಾಲುದಾರರ ಅಭಿಪ್ರಾಯಗಳ ಆಧಾರದ ಮೇಲೆ ನಿಯಮಿತವಾಗಿ ಪರಾಮರ್ಶಿಸಲಾಗುವುದು ಹಾಗೂ ಮೇಲ್ವಿಚಾರಣೆ ಮಾಡಲಾಗುತ್ತದೆ.

ಹಂತ 1: ESG ಯನ್ನು ಮಾನದಂಡವಾಗಿ ಪರಿಗಣಿಸುವ ಮೂಲಕ ಮೂಲಭೂತ ಸೌಕರ್ಯಗಳನ್ನು ಒದಗಿಸುವುದು

ಸ್ಥಳದ ಜನಪ್ರಿಯತೆಯನ್ನು ಹೆಚ್ಚಿಸುವಲ್ಲಿ, ಜನರ ಪುನರಾವರ್ತಿತ ಭೇಟಿಗಳನ್ನು ಪ್ರೋತ್ಸಾಹಿಸುವಲ್ಲಿ ಮತ್ತು ಬಾಯಿಂದ ಬಾಯಿಗೆ ಹರಡುವ ಸಕಾರಾತ್ಮಕ ಪ್ರಚಾರವನ್ನು ಉಂಟುಮಾಡುವ ನಿಟ್ಟಿನಲ್ಲಿ ಪ್ರವಾಸೋದ್ಯಮ ಮೂಲಭೂತ ಸೌಕರ್ಯಗಳು ಅತ್ಯಗತ್ಯವಾಗಿರುತ್ತವೆ. ಪ್ರವಾಸಿಗರ ಪ್ರತಿ ಭೇಟಿಯು ಸ್ಥಳೀಯ ಆರ್ಥಿಕತೆಯನ್ನು ಹೆಚ್ಚಿಸುವ ಕಾರಣ, ಪ್ರವಾಸಿ ತಾಣಗಳಲ್ಲಿ ಮೂಲಭೂತ ಸೌಕರ್ಯಗಳನ್ನು ಒದಗಿಸುವುದು ನಿರ್ಣಾಯಕವಾಗಿರುತ್ತದೆ. ಪ್ರಸ್ತುತ ಆಯೋಜಿತ ಯೋಜನೆಯು, ಎಲ್ಲಾ ಸಮಯದಲ್ಲೂ ಆರ್ಥಿಕವಾಗಿ ಪರಿಣಾಮಕರವೆಂದು/ಅನುಕೂಲಕರವೆಂದು ತೋರದಿದ್ದರೂ ಸಹ, ಸದರಿ ಮೂಲಭೂತ ಸೌಕರ್ಯಗಳಿಗೆ ಆದ್ಯತೆ ನೀಡುವುದು ಮುಖ್ಯವಾಗಿರುತ್ತದೆ. ಪ್ರವಾಸಿ ಪ್ರದೇಶಗಳ ಒಳಗೆ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಅಗತ್ಯವಿರುವ ಮೂಲಭೂತ ಸೌಕರ್ಯಗಳ ಸೂಚಕ ಪಟ್ಟಿ ಈ ಕೆಳಗಿನಂತಿದೆ:

ಈ ಸೌಕರ್ಯಗಳು ಪ್ರವಾಸಿಗರಿಗೆ ಆರಾಮದಾಯಕ ಮತ್ತು ಆನಂದದಾಯಕ ಅನುಭವವನ್ನು ಖಚಿತಪಡಿಸುತ್ತದೆ ಹಾಗೂ ಅಂತಿಮವಾಗಿ ಸ್ಥಳೀಯ ಸಮುದಾಯ ಮತ್ತು ಆರ್ಥಿಕತೆಗೆ ಅನುಕೂಲತೆಯನ್ನು ಒದಗಿಸುತ್ತದೆ.